Esperanto kiel la lingva manifestiĝo de libera programaro estos temo de prelego kiun prezentos David de Ugarte dum la evento TEDxMadrid la15-an de septembro. Temas pri neesperantista aranĝo, sed David de Ugarte prelegos en Esperanto, lingvo kiun li mem serioze ektudis nur ĉi-jare. Lia kooperativa movado elektis Esperanton kiel sian laborlingvon, kiam ĝi ekdisvastiĝis ekster la regionoj hispan- kaj portugallingvaj, kaj nun planas Esperanto-vilaĝon en turisma regiono proksime al Bilbao. Libera Folio kontaktis lin por kompreni, pri kio temas.
